Björn og Ríkisútvarpið

Björn Bjarnason, dóms- og kirkjumálaráðherra og fyrrum menntamálaráðherra, skrifar afar athyglisverðan dagbókarpistil á heimasíðu sína í gær, miðvikudag.  Í pistlinum segir m.a.:

,,Hlutafélagavæðing RÚV var ekki til þess að kaupa starfsmenn annarra stöðva og veita þeim ríkisskjól.  Væri ekki best, að selja batteríið allt (fyrir utan gömlu gufuna), svo að snillingarnir gætu keppt við Baugsmiðlana á jafnréttisgrundvelli, án þess að fá nefskatt?"

Ég held að óhætt sé að svara spurningu Björns játandi.

Sigurður Kári.

Athugasemdir

[Haraldur Haraldsson, 3.8.2007 kl. 00:18]

Já segjum tveir allavega/Halli Gamli

[Bjarni Kjartansson, 3.8.2007 kl. 08:34]

Segja má, að Björn hafi nokkuð til síns máls.

Ekki eru fréttamenn þarna góðir í móðurmálinu, tala flatt og rasböguskotið mál, með heiðarlegum undantekningum þó.

Ekki kryfja menn þar á bæ nokkurn skapaðan hlut til mergjar en láta nægja yfirborðskennda og á tíðum, tíðarandabundna umfjöllun.

Hvað er þa´eftir?  Veisluhöld og ,,fundur um síðasta fund" eins og sumir segja?

Nei, síðustu breytingarnar á RUV hefur fremur verið til ama en frama.

Miðbæjaríhaldið

e.s.

Hvurn sjálfan andsk. ættu menn að vera að selja?

Varla vilja ,,fjárfestar" eignast þennann hóp stjórnenda?

Ef svo væri, eru þar nú ekki á ferðinni klárir businessmenn.

[Haukur Nikulásson, 3.8.2007 kl. 08:50]

Sigurður Kári,

Þetta máttuð þið vita þegar þið samþykktuð lagabreytinguna um Ríkisútvarpið ohf. (sem útleggst óhóf!).

Málin þarna hafa þróast nákvæmlega eins og maður bjóst við.

[Gunnar Th. Gunnarsson, 4.8.2007 kl. 15:51]

Auðvitað á að selja rás2.... en alls ekki gufuna og sjónvarpið. Nefskatt, takk!