Páll Hreinsson skipaður hæstaréttardómari

Björn Bjarnason, dómsmálaráðherra, skipaði í gær Dr. Pál Hreinsson, deildarforseta lagadeildar Háskóla Íslands, dómara við Hæstarétt Íslands.  Fjórir mjög hæfir umsækjendur sóttust eftir stöðu hæstaréttardómara og valdi dómsmálaráðherra Pál úr hópi þeirra.

Sú ákvörðun Björns Bjarnasonar að skipa Pál Hreinsson í embættið er skynsamleg.  Páll er afburðafær lögfræðingur og án vafa einn sá fremsti á sínu sviði hér á landi.

Sjálfur þekki ég verk Páls Hreinssonar á sviði lögfræðinnar.  Hann kenndi mér stjórnsýslurétt við lagadeild Háskóla Íslands veturinn 1994-1995.  Páll var þá dósent við deildina og afar vinsæll meðal nemenda, enda afbragðs kennari og fræðimaður.  Sem alþingismaður hef ég átt afar gott samstarf við Pál vegna löggjafar á ýmsum sviðum og er óhætt að segja að í öllum þeim störfum hafi fagmennska hins nýja hæstaréttardómara verið fyrsta flokks.

Ég óska Páli Hreinssyni til hamingju með embættið.

Sigurður Kári.

Athugasemdir

[Jón Magnússon, 29.8.2007 kl. 17:21]

Eigi veit ég það svo gjörla hvort Páll Hreinsson er Sjálfstæðismaður en hitt veit ég að hann er mjög hæfur til að vera Hæstaréttardómari. Auk þess er hann á þeim aldri að hann ásamt Ólafi Berki verða nýja kynslóðin í Hæstarétti.

[Inga Lára Helgadóttir, 30.8.2007 kl. 00:37]

Sigurður ég hef fengið að heyra svona eins og þessi hér fyrsti skrifar, babblar eitthvað um flokksklíkuskap en hefur svo ekkert til málanna að leggja.

Bestu kveðjur til þín og gangi þér vel

Inga Lára Helgadóttir 

[Jóhann Páll Símonarson, 30.8.2007 kl. 09:06]

Heill og sæll Sigurður.

Ég tel ákvörðun Dómsmálaráðherra Björns Bjarnasonar að skipa Dr. Páll Hreinsson vera rétta. Páll er með víðtaka reynslu á sviði laga. Enda starfaði Páll hjá umboðmanni Alþingis með Gauki Jörundssyni heitnum sem ég leitaði til á árum áður.

Björn Bjarnason tekur rétta ákvörðun að skipa Páll, hitt er svo annað mál væri ekki rétt eins og lögmannafélagið bendir réttilega á að skipuð verið óháðnefnd sem myndi verða Dómsmálaráðherra til traust og halds í skipum dómara.

Þetta er spurning sem ég velti fyrir mér eftir að 2 dómarar skiluðu sér áliti um skipun dómara við Hæstarétt. það gengur ekki upp að Hæstaréttadómarar komi sér saman um ákveðinn dómara eins og þeir hafa gert undanfarin ár.

Þess vegna tel ég Björn Bjarnason taka fastmótaða og faglega ákvörðun í framþróun í skipun dómara þessa lands án tillits til pólitískra ákvörðunartöku.

Jóhann Páll Símonarson.